"Ayaks" "Real"ı Çempionlar Liqasında darmadağın etdi

Çempionlar Liqasında 1/8 final mərhələsinin ilk cavab oyunları keçirilib.

Mediainfo.az-ın verdiyi xəbərə görə, "Real" Madrid öz meydanında "Ayaks"ı qəbul edib. Birinci oyunda səfərdə rəqibi üzərində minimal hesabla qələbə qazanan kral klubunun evdə də qonaq komandaya qalib gələcəyi gözlənilirdi. Lakin qonaqlar bütün proqnozları alt-üst edərək rəqibləri üzərində 4:1 hesabı ilə qələbə qazanaraq sensasiyaya imza atıblar. Bu oyunda məlubiyyət faktiki olaraq "Real"ın baş məşqçisi Solarının istefaya göndəriləcəyinə şübhə yeri qoymayıb. Günün digər oyununda isə "Borussiya" "Tottenhem"i qəbul edib və səfərdə olduğu kimi evdə də məğlub olaraq Çempionlar Liqası ilə vidalaşıb.

Çempionlar Liqası, 1/8 final

"Real" – "Ayaks" - 1:4
Qollar: H. Ziyeç, 7 (0:1), Neres, 18 (0:2), D. Tadiç, 62 (0:3), M. Asensio, 70 (1:3), L. Şöne, 72 (1:4)
Baş hakim: Feliks Brix (Almaniya)
İlk oyun – 2:1
"Borussiya" (Dortmund) – "Tottenhem" - 0:1

Qol: H. Keyn, 49
Baş hakim: Danni Makkeli (Hollandiya)
İlk oyun – 0:3