"Qarabağ" "Arsenal"la eyni qrupa düşdü

UEFA Avropa Liqasının qrup mərhələsinin püşkatma mərasimi keçirilib.

Avroliqanın bu dəfəki püşkatma mərasimində ilk dəfə azərbaycanlı səfir də iştirak edib. Söhbət Vəli Qasımovdan gedir. 2018-2019 mövsümündə Avropa Liqasının finalı Bakı Olimpiya Stadionunda keçiriləcəyindən, Qasımov da püşkatma zamanı səhnədə olub.

Mediainfo.az-ın verdiyi xəbərə görə, püşkatma nəticəsində "Qarabağ"ın bəxtinə "Arsenal" və " Sportinq" kimi güclü klublar, həmçinin "Vorskla" düşüb. Bu qrupun iki ən güclü klubu da İngiltərə və Portuqaliya klublarıdırlar. Növbəti mərhələyə də qrupdan bu iki komandanın çıxacağı gözlənilir. Ukrayna və Azərbaycan klubları isə çox güman ki, 3-cü yer uğrunda mübarizə aparacaqlar. Lakın "Qarabağ"ın ötən il olduğu kimi güclü klublarla mübarizədə sürprizə imza ata biləcəyi istisna edilmir.

Püşkatmanın digər nəticələri aşağıdakı kimidir:

"A" qrupu: "Bayer" (Almaniya), "Lüdoqorets" (Bolqarıstan), "Sürix" (İsveçrə), AEK (Larnaka, Kipr).

"B" qrupu: "Zaltsburq" (Avstriya), "Seltik" (Şotlandiya), "Leypziq" (Almaniya), "Rusenborq" (Norveç).

"C" qrupu: "Zenit" (Rusiya), "Kopenhagen" (Danimarka), "Bordo" (Fransa), "Slaviya" (Praqa, Çexiya).

"D" qrupu: "Anderlext" (Belçika), "Fənərbağça" (Türkiyə), "Dinamo" (Zaqreb, Xorvatiya), "Spartak" (Trnava, Slovakiya).

"E" qrupu: "Arsenal" (İngiltərə), "Sportinq" (Lissabon, Portuqaliya), "Qarabağ" (Azərbaycan), "Vorskla" (Poltava, Ukrayna).

"F" qrupu: "Olimpiakos" (Yunanıstan), "Milan" (İtaliya), "Betis" (İspaniya), "Düdelanj" (Lüksemburq).

"G" qrupu: "Vilyarreal" (İspaniya), "Rapid" (Vyana, Avstriya), "Spartak" (Moskva, Rusiya), "Reyncers" (Şotlandiya).

"H" qrupu: "Latsio" (İtaliya), "Marsel" (Fransa), "Ayntraxt" (Frankfurt, Almaniya), "Apollon" (Kipr).

"İ" qrupu: "Beşiktaş" (Türkiyə), "Genk" (Belçika), "Malmö" (İsveç), "Sarpsborq" (Norveç).

"J" qrupu: "Sevilya" (İspaniya), "Krasnodar" (Rusiya), "Standard" (Lyej, Belçika), "Akhisar Belediyespor" (Türkiyə).

"K" qrupu: "Dinamo" (Kiyev, Ukrayna), "Astana" (Qazaxıstan), "Renn" (Fransa), "Yablonets" (Çexiya).

"L" qrupu: "Çelsi" (İngiltərə), PAOK (Yunanıstan), BATE (Borisov, Belarus), "Videoton" (Macarıstan).