“Real” Çempionlar Liqasını qazansa...

18 May 2018 11:45

Bəyəndim (0) Bəyənmədim (0)

İspaniyanın "Atletiko" klubunun Avropa Liqasının qalibi olması UEFA Superkubokunda tarixi hadisənin gerçəkləşməsi ehtimalı yaradıb. Mediainfo.az-ın Apasport.az-a istinadən məlumatına görə, bunun üçün Çempionlar Liqasının (ÇL) finalında da "Real"ın qələbə qazanması lazımdı.

"Kral klubu" "Liverpul"la mayın 26-dakı görüşdə qalib gəlsə, Superkubok matçında "Real"la "Atletiko" üz-üzə gələcək. Bu isə yarışın tarixində ilk hal olacaq ki, eyni şəhər təmsilçiləri qarşılaşacaq.

İndiyədək Superkubokda heç vaxt eyni şəhər komandaları üz-üzə gəlməyib. Düzdü, 6 dəfə eyni ölkə klublarının dueli qeydə alınıb. İtaliyalılar 1989/90 ("Milan" – "Sampdoriya"), 1992/93 ("Parma" – "Milan"), ispaniyalılar 2005/06, 2014/15 (hər ikisi "Barselona" – "Sevilya"), 2013/14, 2015/16 (hər ikisi "Real" – "Sevilya") mövsümlərində cütlük təşkil edib.

Qeyd edək ki, Superkubok oyunu avqustun 15-də Estoniyanın paytaxtı Tallində keçiriləcək.