AİBA Azərbaycana qarşı rüşvət ittihamlarını rədd etdi

AİBA Azərbaycana qarşı rüşvət ittihamlarını rədd etdi

13 Dekabr 2011 11:14
Bəyəndim (0) Bəyənmədim (0)

Beynəlxalq Həvəskar Boks Assosiasiyası Azərbaycana qarşı irəli sürülən rüşvət ittihamlarının əsassız olduğunu bəyan edib. Beynəlxalq Həvəskar Boks Assosiasiyası (AİBA) 2012-ci ildə Londonda keçiriləcək Yay Olimpiya Oyunlarında Azərbaycana qarşı irəli sürülən qızıl medal qarşılığında rüşvət ittihamını əsassız sayıb. Beynəlxalq qurumun xüsusi təhqiqat komitəsi bununla bağlı araşdırmanı yekunlaşdırıb.

Qeyd edək ki, bu ilin sentyabrında "BBC Newsnight" proqramında Azərbaycanın Ümumdünya Boks Seriyasına (WSB) gizli olaraq milyonlarla dollar ödənməsi ilə bağlı məlumat verilib. Gizli mənbələrə istinadən yayılan məlumatda bildirilirdi ki, WSB rəhbəri pulun Azərbaycan boksçularının "London-2012"-də 2 qızıl medal qazanmasına zəmanət olaraq verildiyini iddia edib. Məsələ ilə əlaqədar AİBA 5 nəfərdən ibarət xüsusi qrup yaradıb. Qrup televiziya verilişində səslənən faktların araşdırılması ilə məşğul olub. Araşdırma nəticəsində aydınlaşıb ki, söhbət fərdi sahibkar Həmid Həmidovun Amerika boksuna qoyduğu təmiz kommersiya investisiyalarından gedir. Nəticədə, Azərbaycana qarşı ittihamlar ciddi sübutlara söykənmədiyi üçün əsassız sayılıb.

Əsasız ittihamlara nokaut zərbəsi vuruldu...

Fuad Borçalı

O.M.