UEFA Runiyə qarşı sərt qərar qəbul edib

İngiltərə yığma komandasının hücumçusu Ueyn Runi Avro-2012-nin ilk 3 oyununda iştirak edə bilməyəcək. Futbolçunun cəza almasına səbəb onun Avro-2012-nin qrup mərhələsində Monteneqro yığması ilə görüşdə qırmızı vərəqə alması olub. Qeyd edək ki, Runi 2:2 hesablı heç-heçə ilə nəticələnən qarşılaşmanın 74-cü dəqiqəsində Miodraq Cudoviçə qarşı kobud oyuna görə qırmızı vərəqə ilə cəzalandırılmışdı. Ueyn Runi oktyabrın 11-də UEFA-ya məktub ünvanlayaraq cəzasını yüngülləşdirməyi xahiş etmişdi. Ancaq UEFA Nizam-İntizam Komitəsi Runinin xahişinə baxmayaraq bir oyunluq cəzanı daha da sərtləşdirərək diskvalifikasiyanı 3 oyunadək artırıb.

İngilislərin apelyasiya şikayəti etmək üçün üç gün vaxtı var. Əgər UEFA qərarını qüvvədə saxlasa o zaman İngiltərə yığmasının baş məşqçisi Fabio Kapello Runini ümumiyyətlə Avro-2012-yə aparmaya bilər. Belə ki, Ueyn Runi ən yaxşı halda Avro-2012-nin ¼ final mərhələsində komandasına kömək edə biləcək.

Hərdən kiçik səhvlər böyük problemlər yaradır.

Fərid Qurbanov

O.M.