Nazir: "Rio-2016"-da bayraqdarımız boksçu Teymur Məmmədov ola bilər

Nazir: "Rio-2016"-da bayraqdarımız boksçu Teymur Məmmədov ola bilər

23 İyun 2016 13:16
Bəyəndim (0) Bəyənmədim (0)

Azərbaycan milli komandasının 2016-cı il Rio-de-Janeyro Yay Olimpiya Oyunlarında bayraqdarı boksçu Teymur Məmmədov ola bilər.

Bunu gənclər və idman naziri Azad Rəhimov deyib.

Nazir bildirib ki, T.Məmmədovun bayraqdar olması bu gün Bakıdakı Dünya Təsnifat Turnirində 1/4 final döyüşündən qalib ayrılaraq, olimpiadaya lisenziya qazanacağı halda rəsmiləşəcək: "Biz Məmmədovun namizədliyini təklif etmişik. Yekun qərarı isə Milli Olimpiya Komitəsi verəcək".

Qeyd edək ki, Teymur Məmmədov 81 kq çəki dərəcəsində çıxış edir. Məmmədov "Bakı 2015" I Avropa Oyunlarında qızıl, 2012-ci il London Yay Olimpiya Oyunlarında bürünc medal qazanıb. Bu gün o, mərakeşli Hassan Saadı yenəcəyi halda, "Rio-2016"ya lisenziyasını rəsmiləşdirəcək. (report)

Mediainfo.az