Rusiyalı azarkeşlər özünü yaxşı aparmasa, Rusiya “Avro-2016”dan kənarlaşdırılacaq

Rusiyalı azarkeşlər özünü yaxşı aparmasa, Rusiya “Avro-2016”dan kənarlaşdırılacaq

14 İyun 2016 15:19
Bəyəndim (0) Bəyənmədim (0)

UEFA Fransada keçirilən "Avro 2016" futbol çempionatında Rusiya-İngiltərə oyunundan sonra rusiyalı azarkeşlərin qanuna zidd əməlləri ilə bağlı qərarını açıqlayıb.

Apa-nın Moskva müxbirinin xəbərinə görə, Rusiya yığması 150 min avro cərimələnərək şərti olaraq turnirdən kənarlaşdırılıb.

Şərti cəza o anlama gəlir ki, əgər çempionat ərzində bir daha belə hal təkrarlanarsa, Rusiya yığması "Avro 2016"dan uzaqlaşdırılacaq.
Qeyd edək ki, İngiltərə ilə Rusiya arasında 1-1 nəticələnən matçdan sonra ingilis və rus azarkeşlər arasında kütləvi dava-dalaş baş verib. Bundan başqa, Marsel şəhərində baş verən toqquşmalarda ağır yaralananlar olub.

Mediainfo.az