Maks Ferstappen Red Bull ilə müqaviləsini uzadıb

Niderlandlı pilot Maks Ferstappen “Formula-1” komandası Red Bull ilə yeni müqavilə imzalayıb. Müqavilə 2030-cu il mövsümünün sonunadək qüvvədə olacaq.

Oxuməni.az-ın məlumatına görə, bu barədə komandanın mətbuat xidməti məlumat yayıb.

Beləliklə, 28 yaşlı niderlandlı pilot ən azı texniki reqlamentin növbəti mərhələsinin ilk mövsümünədək Avstriya komandasının heyətində çıxış etməyə davam edəcək. Ferstappen 2026-cı ildə “Formula-1”də tətbiq olunan yeni güc qurğuları qaydalarının qüvvədə olacağı bütün müddət ərzində “Red Bull”un heyətində qalacaq.

28 yaşlı Ferstappen 2014-cü ildə Red Bull sisteminə qoşulub. İki il sonra komandanın heyətində “Formula-1”də debüt edib və elə ilk yarışında — İspaniya Qran-prisində qalib gəlib. O, 18 yaşında “Kral yarışları” tarixində mərhələ qazanan ən gənc pilot olub.

Həmin vaxtdan etibarən Ferstappen 71 Qran-pri mərhələsində qalib gəlib və dördqat “Formula-1” dünya çempionu olub.

2026-cı il çempionatında Ferstappen 15 mərhələdən sonra 109 xal toplayaraq altıncı pillədə qərarlaşıb.

Müqavilənin uzadılması barədə elan “Formula-1” üzrə Niderland Qran-prisi çərçivəsində yarış həftəsonu ərəfəsində verilib.

Almaz Həsənli