Tadey Pogaçar karyerasında üçüncü dəfə Flandriya Turunun qalıbi oldu

Sloveniyalı Tadey Pogaçar bazar günü, aprelin 5-də karyerasında üçüncü dəfə Flandriya Turunu qazandı. O, yarışın sonunda irəli çıxaraq təkbaşına finişə çatdı və daşlı yoxuşlarda təsirli mübarizədən sonra ən yaxın rəqiblərini geridə qoydu. Bu barədə Oxuməni.az “rfi.fr”a istinadla xəbər verir.
Pogaçar Matye van der Puldan 40 saniyə, Remko Evenepuldan isə 1 dəqiqə 24 saniyə öndə finişə çatıb. Hər yoxuşda sürətini artıran Pogaçar, finişə 18 km qalmış üçüncü və sonuncu Vye-Kvaremont yoxuşunda təkbaşına qaçışa çıxana qədər rəqiblərini bir-bir üstələyib. Sloveniyalı velosipedçi 2023 və 2025-ci illərdə də bu şəkildə qalib gəlmişdi. Üçqat Flandriya Turu qalibi (2020, 2022, 2024) Van der Pul sona qədər müqavimət göstərib: məsafənin son ciddi maneəsi olan Paterbergin zirvəsində liderlə fərqi 15 saniyəyə qədər azaltmağı bacardı. Lakin son on üç kilometrdə o, tamamilə geridə qaldı.
Belçikalı Vut van Art uşaqlıqdan Flandriya Turunda qələbə qazanmağı arzulayırdı, lakin üçüncü dəfə podiumun ətəyində dayandı: o, 2023 və 2025-ci illərdə olduğu kimi, 2 dəqiqə 11 saniyə geridə qalaraq dördüncü oldu.
Bu qələbə Pogaçarın "Monument"lərdə on ikinci qələbəsi idi. İki həftə əvvəl o, artıq Milan-San Remo yarışında birinci olmuşdu. Beləliklə, sloveniyalı velosipedçi "monumental" klassiklərdə qələbələrin sayına görə Role De Vlaminkin nəticəsini üstələyərək tarixi reytinqdə ikinci yerə yüksəldi və indi yalnız 19 dəfə qalib gəlmiş əfsanəvi Eddi Merksa uduzur.
İkiqat dünya çempionu Pogaçar, bir mövsümdə bütün beş "Monument"də qələbə qazanmaq olan "Böyük Dəbilqə" uğrunda mübarizəni də davam etdirir. İndiyə qədər heç bir velosipedçi bunu bacarmayıb. "Monument"lərə Flandriya Turundan başqa Milan-San Remo, Paris-Rube, Lyèj-Baston- Lyèj və Ciro di Lombardia kimi klassik velosiped yarışları daxildir.
Almaz Həsənli