Kriştianu Ronaldu Ər-Riyaddakı ABŞ səfirliyinə edilən hücumdan sonra Səudiyyə Ərəbistanını tərk edib?

Kriştianu Ronaldunun 61 milyon funt sterlinq dəyərindəki şəxsi jeti gecə Səudiyyə Ərəbistanını tərk edib. Bu, münaqişənin kəskinləşməsi fonunda futbolçunun ölkəni təcili tərk edə biləcəyi ilə bağlı şayiələrə səbəb olub. Oxuməni.az xəbər verir ki, bu barədə “Daily Mail” yazır.
Ronaldu nişanlısı Corcina Rodriges və beş övladı ilə birlikdə Ər-Riyadda yaşayır. Şəhər İran dronlarının hücumlarına məruz qalıb və hücumlar dördüncü gündür ki, davam edir. Gecə dronlar Səudiyyə Ərəbistanının paytaxtındakı ABŞ səfirliyini vurub.
Xarici vətəndaşlar kütləvi şəkildə Yaxın Şərqi tərk edirlər və Ronaldunun jetinin Madridə uçuşu ilə bağlı məlumatlar internetdə yayılıb. Uçuş izləmə məlumatlarına görə, Bombadier Global Express İspaniya paytaxtına qədər təxminən yeddi saat uçub. Jet saat 20:00-da havaya qalxıb və gecə saat 01:00 radələrində enib.
2024-cü ildə Ronaldu 2015-ci ildə 16 milyon funt sterlinqə aldığı Gulfstream G200-ü sataraq, inanılmaz 61 milyon funt sterlinqə yeni Bombadier Global Express 6500 alıb. Təyyarə tamamilə qara rəngdədir, 15 sərnişin üçün nəzərdə tutulub və bir neçə zonaya malikdir:

• divanlar və masalar olan salon,
• iki nəfərlik çarpayısı olan yataq otağı,
• ayrıca duş otağı.

Jeti bəzəmək üçün onun loqosu və Ronaldunun qol sevinci tərzindəki siluet dekalından istifadə olunub.
Almaz Həsənli