İtalyan futbolçuı intim videoya görə mafiya başçısı tərəfindən öldürüldü

Həkimlər Umbertonun həyatı üçün iki ay mübarizə apardılar, lakin səyləri boşa çıxdı.
Gənc futbolçu səhv yerdə və pis vaxtda olduqdan sonra faciəvi şəkildə öldü. İtalyan futbolçunun qətlinin şərtləri şokedicidir. Umberto mafiya hücumunun təsadüfi qurbanı oldu.
Umberto Catanzaro 2002-ci ildə İtaliyada anadan olub. Bir çox oğlan kimi, o da futbolu sevirdi və böyük ulduz olmağı arzulayırdı. Bari akademiyasında böyük istedad hesab olunurdu. "Ox" ləqəbli qanad oyunçusu sürəti və intizamı ilə tanınırdı. Lakin gənc oğlan uğurlu karyera qura bilmədi: onun zirvəsi Seriya D-də Paganese komandasında oynamaqla gəldi.
15 sentyabrda Umberto 17 yaşlı dostu ilə Neapolda maşınla gəzirdi. Bu səfər futbolçu üçün ölümcül oldu. Maşına İspan Məhəlləsində hücum edildi. Qəzəbli bir qrup insan maşını atəşə tutdu və nəticədə Katanzaro qarın nahiyəsindən yaralandı.

Qan içində olan oyunçu ağır vəziyyətdə Pellegrini Xəstəxanasının təcili yardım şöbəsinə aparıldı. Həkimlər iki ay onun həyatı uğrunda mübarizə apardılar. Umbertonun vəziyyəti ara-sıra yaxşılaşdı və sağalmaq üçün ümid var idi, lakin 17 noyabrda ürəyi dayandı.

Katanzaronun keçmiş komandası sosial mediada verdiyi açıqlamada bildirib ki, "Prezident Serxio Di Bonito, rəhbərliyi, işçiləri və Rione Terra-nın bütün üzvləri keçmiş futbolçumuz Umbertonun vaxtsız faciəli ölümü ilə bağlı Katanzaro ailəsinin kədərini bölüşürlər".
Bir ay sonra Neapol polisi hadisənin təfərrüatlarını müəyyən edərək, səs-küylü cinayəti açıb. Hüquq-mühafizə orqanlarının məlumatına görə, qırğın zamanı maşında birlikdə olduğu Umbertonun 17 yaşlı dostu, sevgilisinin kimliyi məlum olmayan şəxslərlə intim videosunu paylaşıb. Bu, Neapol cinayətkar qrupunun lideri olan atasına məlum olub.

46 yaşlı kişi ev dustaqlığından qaçaraq oğlunu özü ilə aparıb. Oğurlanmış skuterlərdən istifadə edərək, gəncləri daşıyan maşını tapıb və ona atəş açıblar. Videonu sızdıran kişi şanslıdır ki, ayağından yara alaraq qaçıb və hazırda sağlamlığı yaxşıdır. Lakin dostu üçün mafiyanın qisası ölümcül olub.
19 oktyabrda Mafiya ilə Mübarizə İdarəsi Neapol prokurorluğu ilə birlikdə hücumda iştirak edən bütün şəxsləri həbs etdi. Hazırda istintaq orqanları cinayətdə iştirak edən hər bir şəxsin günahını müəyyən etmək üçün lazımi addımlar atır.

Əziz MUSTAFA