"Napoli" "Qalatasaray"ın Osimhen üçün 60 milyon avroluq təklifini rədd etdi

11:05

Bəyəndim (5) Bəyənmədim (0)

"Sky Italia"nın məlumatına görə, "Napoli" hücumçu Viktor Osimhenin transferi üçün "Qalatasaray"ın təkmilləşdirilmiş təklifini rədd edib.

Türkiyə klubu növbəti 60 milyon avroluq təklif edib və bu təklif rədd edilib. Futbolçunun müqaviləsində yalnız xarici klublara şamil edilən 75 milyon sərbəst qalma maddəsi var.

Osimhenin "Napoli" ilə müqaviləsi 2025/26 mövsümünün sonuna qədərdir. Əvvəllər 26 yaşlı nigeriyalı futbolçunun "Qalatasaray" ilə 2028-ci ilə qədər müqavilə bağladığı bildirilirdi.

Osimhen ötən mövsüm icarə əsasında "Qalatasaray"da çıxış edib - Türkiyə çempionatının 30 oyununda 26 qol və 5 məhsuldar ötürmə ilə yadda qalıb.

Almaz Həsənli