PSJ Mbappeyə qarşı 98 milyon avroluq iddia qaldırıb

“Paris Saint-Germain” (PSJ) komandanın keçmiş futbolçusu Kilian Mbappeyə ödəməli olduğu, klub hesablarına qoyulmuş 55 milyon avroluq dondurmanın ləğv edilməsini və futbolçudan 98 milyon avro ödənilməsini tələb edərək məhkəməyə müraciət edib.

Bu barədə Oxuməni.az “Fransa-Press” agentliyinə istinadla xəbər verir.

Ötən mövsümün sonunda Mbappe azad agent kimi “Real” Madridə keçdi. Ötən yay məlum olub ki, futbolçu PSJ ilə köhnə müqaviləsinə görə 55 milyon avronun ödənilməməsi ilə bağlı Fransa Peşəkar Futbol Liqasına (LFP) və Avropa Futbol Assosiasiyaları İttifaqına müraciət edib. Bu məbləğə imzalanma bonusunun üçdə biri (36 milyon avro), son üç ayın maaşı (aprel, may, iyun), həmçinin etika bonusu daxildir. Sentyabr ayında LFP-nin hüquq komitəsi bu məbləğin dərhal ödənilməsini əmr edib, lakin klub bu qərara etiraz edib. Apellyasiya şikayəti təmin edilməyib, bundan sonra PSJ Fransa Futbol Federasiyasının icraiyyə komitəsinə müraciət edib, o da şikayəti rədd edib. Aprelin əvvəlində Mbappe PSJ-nin 55 milyon avro məbləğində hesablarının dondurulmasını təmin edib.

PSJ hesab edir ki, Mbappenin davranışı kluba maddi və reputasiya ziyan vurub. PSJ-nin vəkili Reno Semerdjiyan deyib ki, iddianın məqsədi "98 milyon avronu geri almaq deyil, borcunun olduğunu və iddialarının əsassız olduğunu göstərməkdir". İşə mayın 26-da baxılacağı bildirilir.

Almaz Həsənli