"Barselona" Çempionlar Liqasının yarımfinal mərhələsinin ilk oyununda "İnter"lə heç-heçə edib

UEFA Çempionlar Liqasının 2024/2025-ci il mövsümünün yarımfinal mərhələsinin "Barselona" və "İnter" komandaları arasında ilk oyunu başa çatıb. Komandalar İspaniyanın “Olympic Lewis Companys” stadionunda çıxış ediblər. Baş hakim fransalı Klement Turpen olub. Komandalar bərabərə qalıb, yekun hesab 3:3 olub.

Artıq matçın 30-cu saniyəsində hesab açılıb. Qonaq komandanın hücumçusu Markus Tyuram Denzel Dumfrisin ötürməsindən sonra arxadan topu rəqib qapısına göndərərək qol vurub. 21-ci dəqiqədə Dumfris Françesko Açerbinin ötürməsi ilə komandasının fərqini ikiyə çatdırıb. Üç dəqiqə sonra Lamin Yamal “Barselona”nın ilk qolunu vurdu. 38-ci dəqiqədə Rafinyanın ötürməsindən sonra Ferran Torres matçda hesabı bərabərləşdirdi.

64-cü dəqiqədə Denzel Dumfris künc zərbəsindən sonra qol vuraraq qonaqları önə keçirib. Hakan Çalhanoğlu qola məhsuldar ötürmə edib. 65-ci dəqiqədə "Barselona"nın künc zərbəsindən sonra Rafinya cərimə meydançasının kənarından topu qapıya göndərdi. Top qapıçının kürəyinə dəydiyi üçün qol "İnter"in qapıçısı Yan Zommerə yazıldı. Beləliklə, görüşün yekun hesabı 3:3 olub.

Cavab oyunu mayın 6-da Milanda (İtaliya) "San Siro" (Cüzeppe Meatsa) stadionunda keçiriləcək.

Almaz Həsənli