UEFA Avropa Liqası: "Qarabağ" - "Ayaks"-0:3

Dünən, UEFA Avropa Liqasının ümumi mərhələsinin üçüncü turu çərçivəsində Azərbaycan təmsilçisi “Qarabağ” futbol klubu Niderlandın "Ayaks" klubunu qəbul edib.

Təmsilçimiz rəqibini Tofiq Bəhramov adına Respublika stadionunda qəbul edib. Birinci turda “Tottenhem”ə 0:3, ikinci turda isə Bakıda İsveçin “Malmö” klubuna 1:2 hesabı ilə uduzan Ağdam klubu bu dəfə də azarkeşlərini sevindirə bilməyib. Qurban Qurbanovun yetirmələri bu dəfə Amsterdam “Ayaks”ına heç nəyə müqavimət göstərə bilməyib - 0:3.

“Qarabağ” avrokuboklarda ardıcıl 5-ci məğlubiyyətini alıb.

"Qarabağ"ın 3 turdan sonra xalı yoxdur. Növbəti oyun noyabrın 6-da səfərdə Norveçin “Bodo Qlimt” komandası ilə olacaq.

Avropa Liqasının əsas mərhələsinin 3-cü turunun nəticələrinə əsasən, hələ də cəmi üç komanda xal toplaya bilməyib. Bunlar Təl-Əvivin “Makkabi”, Kiyev “Dinamo”su və “Qarabağ”dır. Ən pis top fərqinə görə Azərbaycan çempionu sonuncu, 36-cı pillədə qərarlaşıb.

Liderlər, hər üç görüşdə qalib gələn və hərəyə 9 xalı olan Belçikanın “Anderlext”, İtaliyanın “Latsio” və İngiltərənin “Tottenhem” klublarıdır.

Almaz Həsənli