Budapeştdə 45-ci Ümumdünya Şahmat Olimpiadası davam edir

Azərbaycan Monteneqro və Sloveniyanı məğlub edib, beşinci turda isə Hindistan və Ukrayna ilə qarşılaşacaq

Budapeştdə 45-ci Ümumdünya Şahmat Olimpiadası davam edir.

Yarışa İordaniya (3,5:0,5), Finlandiya (3,5:0,5) və Moldova (3:1) komandalarına qalib gəlməklə başlayan Azərbaycanın kişilərdən ibarət yığması 4-cü turda Monteneqro ilə qarşılaşıb və bu görüşdən qalib ayrılıblar (3:1). Komandamız hazırda 4-cü turdan sona 5-cı yerdədir.

Teymur Rəcəbovun kapitanı olduğu komandada Şəhriyar Məmmədyarov, Rauf Məmmədov, Nicat Abasov, Aydın Süleymanlı və Məhəmməd Muradlı yer alır.

Azərbaycan -Monteneqro - 3:1

Aydın Süleymanlı – Denis Kadriç - 1:0

Nicat Abasov – Nikita Petrov - 0,5:0,5

Rauf Məmmədov – Nikola Cukiç - 0,5:0,5

Şəhriyar Məmmədyarov – Luka Draskoviç - 1:0

Nikaraqua (4:0) və Avstraliyaya ( 4:0) qalib gələn, Argentina (2:2) ilə heç-heçə oynayan qadınlardan ibarət yığmamız isə 4-cü turda Sloveniya ilə qarşılaşıb və bu görüşdən qalib ayrılıblar (3:1). Komandamız hazırda 4-cü turdan sona 12-cı yerdədir.

Azərbaycan - Sloveniya - 3:1

Günay Məmmədzadə – Laura Umuk - 1:0

Ülviyyə Fətəliyeva – Zala Urx - 0,5:0,5

Gövhər Beydullayeva – Lara Yanzel - 1:0

Gülnar Məmmədova – Teya Vidiç - 0,5:0,5

Olimpiadada Günay Məmmədzadə, Ülviyyə Fətəliyeva, Gövhər Beydullayeva, Xanım Balacayeva və Gülnar Məmmədova çıxış edirlər. Komandanın kapitanı Mixail Şereşevskidir.

Azərbaycanın kişilərdən ibarət yığması V turda Hindistan, qadınlardan ibarət komandamız isə Ukrayna ilə qarşılaşacaqlar.

Heyətlər daha sonra müəyyənləşəcək.

Xatırladaq ki, Şahmat Olimpiadası sentyabrın 10-dan 23-dək davam edəcək.

Almaz Həsənli