İtkin düşdüyü deyilən müğənni heç də itməyibmiş... - YENİLƏNİB
Bu gün sosial şəbəkələrdə və bəzi xəbər portallarında müğənni Afət Fərmanqızının itkin düşməsi ilə bağlı məlumatlar dərc edilib. Guya xınayaxdı məclislərini aparan bu xanım müğənni iki gündür ki yoxa çıxıb.
A.Fərmanqızının yaxın adamlarından birindən (adının çəkilməsini istəmir) əldə etdiyimiz məlumata görə, o, heç də itkin düşməyib. Sadəcə olaraq, cəmiyyət tərəfindən xatırlanmaq və xınayaxdı məclislərinə müştəri yığmaq məqsədilə "reklam" olunmaq istəyib. Ona görə də bəzi saytlara "yol" taparaq, bu cür piara əl atıb.
Məlum məsələdir, əgər hər hansı bir vətəndaş (xüsuilə də tanınmış şəxs) iki gündür yoxa çıxıbsa, sözsüz ki, yaxınları tərəfindən bu barədə ilk öncə saytlara deyil, hüquq mühafizə orqanlarına məlumat verilərdi.
BŞBPİ-nin və DİN mətbuat idarəsindən öyrəndik ki, hələ ki heç bir polis idarəsinə Afət Fərmanqızının itkin düşməsi ilə bağlı ərizə daxil olmayıb.
P.S. Xatırladaq ki, Afət Fərmanqızı Nazpəri Dostəliyeva ilə eyni vaxtda sənətə gəlib. Elə xarici görünüşünü də məhz xalq artistinə bənzətməyi ilə yadda qalıb. Buna baxmayaraq, səs diapazonu zəif olduğundan irəli gedə bilməyib.
10:38
Sənətçiyə yaxın şəxslərdən əldə edilən məlumata görə, Afət Fərmanqızı adlı müğənni yoxa çıxıb. Onu iki gündür yaxınları və məclis sahibləri axtarır:
"Afəti axırıncı dəfə iyunun əvvəlində bir məclisdə gördüm. Ondan sonra yoxa çıxıb. Deyilənə görə, xeyli adamdan da xınayaxdı məclisində iştirak üçün beh alıb".
Xatırladaq ki, Afət Fərmanqızı son illər daha çox xınayaxdı məclislərinin aparıcısı kimi tanınır. ölkə.az-ın əməkdaşı yayılan xəbərlə bağlı sənətçinin özü ilə əlaqə saxlamağa çalışsa da, onun mobil nömrəsinə zəng çatmayıb.
Maraqlıdır ki, A.Fərmanqızı sosial şəbəkədəki sonuncu paylaşımını iki gün əvvəl, yəni deyildiyi kimi yoxa çıxdığı gün edib.
Hazırladı: Könül Aypara
