Rza Zerrabın məhkəməsi aprelin 4-də başlayır
Mediainfo.az xəbər verir ki, ünlü sənətçi Ebru Gündeş həyat yoldaşı Rza Zerrabla görüşmək üçün Mayamiyə yollanıb. 75 illik həbs cəzasına məhkum edilməsi ilə üz-üzə qalan azərbaycanlı iş adamı Rza, "qızımı gətirmə. Boş yerə təəssüf hissi keçirməsin. Məhkəmə lehimə qərar verəcək və biz birlikdə vətənə qayıdacağıq", - deyib.
Əlavə edək ki, E.Gündeş hadisə ilə əlaqədar 3 həftə Mayamidə qalacaq. Məhkəmə aprel ayının 4-də başlayacaq.
Xatırlatma verək ki, iş adamı Rza Zerrab çirkli pulların dövriyyəsi, banklara qarşı dələduzluq, saxtakarlıq maddələrinə görə Amerikanın hava limanındaca həbs olunub (bu, iş adamının ikinci həbsdiri).
Əlləri qandallanarkən yanında ailəsi – həyat yoldaşı Ebru Gündeş və 5 yaşlı qızı Alara da olub.
Baş verənlərdən sarsılan müğənni xanım dərhal Türkiyəyə qayıdıb. Qızını doğmalarına əmanət etdikdən sonra, "Rza məni yanında görmək istəyəcək", deyərək geri qayıdıb.
Banu Qocaman