SON DƏQİQƏ QALMAQAL Vasif Məhərrəmli: "Nazimin səsi yoxdur!"

Mediainfo.az xəbər verir ki, bir neçə dəqiqə öncə ATV telekanalında "10dan sonra" verilişinin qonaqlarından biri də müğənni Vasif Məhərrəmli olub. O, "Nanəli" verilişində baş verənlərdən bir qədər danışdıqdan sonra həmkarı Nazim Faytonçu ilə bağlı fikirlərini bildirib. Amma nədənsə çox odlu-alovlu şəkildə:

- Nazim "Nanəli"də özünü çox özündənrazı aparırdı. Onun səsi yoxdur. Nə olsun ki, toylara gedir? Toya hamı gedir. Oxumaq lazımdır, səs lazımdır. Mən yenə də deyirəm və sözümün arxasında dayanıram: "Nazimin səsi yoxdur!"

Verilişi izləyən Nazim Faytonçu Vasif Məhərrəmlinin cavabını gecikdirmədi:

- Bu, Vasifin fikridir, xalqın adından danışmasın. Mən Nardaranda oxumuşam, mən musiqiçi olmuşam, bu xalqa yararlı adamam. Vasif Nardaran görüb? Bizi dəvət edin Vasiflə bir yerdə yarışaq. Mən Vasiflə çörək kəsməmişəm, evinə get-gəl etməmişəm, ailəsini tanımıram. Necə dost ola bilərik? Biz həmkarıq.

"Mən bu söhbəti burda bitirdim", - deyən Vasif Məhərrəmli isə qalmaqala son qoyduğunu bildirdi.

Hazırladı: Şəlalə Nəriman