Telli Orucqızının şeiri Günay İbrahimlinin ifaında səsləndi - VİDEO

Gənc şairə Telli Orucqızının "Sevgi sənsən" adlı şeiri bəstəkar Elvin Abdullayevin diqqətini çəkdiyindən o, yeni bir bəstə üzərində düşünmək qərarına gəlib. Çox keçməmiş iki yaradıcı insanın əməyi sayəsində ortaya gözəl bir mahnı çıxıb. Və artıq mahnının kim tərəfindən ifa olunacağı da bəlli olub: Günay İbrahimli.

"Şeiri təxminən dekabr ayında qələmə almışam. Aranjemanı Gürcüstanda "Bravo" studiyasında Bariko edib. Günay dinlədiyim, sevdiyim ifaçıdır. Amma nə vaxtsa mənim sözlərimə bəstələnmiş mahnını onun ifasında dinləyəcəyimi düşünməzdim. Bu, mənə xüsusi zövq verdi".

Xatırladım ki, bu, Telli xanımın ilk şeiri deyil. Uşaqlıqdan yaradıcılığa böyük həvəs göstərən gənc xanım əvvəlcə bloq yazıb. Daha sonra isə:

- ... Yavaş-yavaş cümlələr qafiyələnməyə başladı. Bir də gördüm ki, şeir yazmağa başlamışam. Elvinlə işbirliyimiz davam edir. Bir neçə mahnılar üzərində işləyirik. Şeirlərimə bəstələnən mahnılar bir çox tanınan, sevilən müğənnilərin ifasında səslənəcək.

P.S. Gənc şairəyə uğurlar arzulayırıq!

Hazırladı: Könül Aypara