Petek Dinçöz "Körpü" verilişinin qonağı oldu

Aynur Hacıyevanın təqdimatında "Lili group" və "Mərdan" yapımın birgə istehsalı olan "Körpü" şousu bu dəfə bayram buraxılışını təqdim edəcək. Layihənin bu həftəki qonaqları Azərbaycandan Elton Hüseynəliyev, Türkiyədən isə Pətək Dincöz, Aslıhan Güner oldu. Xatırladaq ki, A.Güner "Selena", "Asi", "Şefkat Tepe", "Bir zamanlar Osmanlı" və s dizilərində rol alıb.

"Körpü"nün hər buraxılışında qonaqlarına xoş əhval-ruhiyyə yaşadan Aynur xanım bu missiyasını türkiyəli məhşur P.Dönçöz də bölüşmüşdü.

"Türk sənətçilərinin layihəyə marağının hər verilişdə bir az artdığını hiss edirik. Qonaqlarıma sərbəst, əhval-ruhiyyədə olmalarına imkan yaradıram. Bu dəfə eyni missiyanı Pətək Dinçözlə bölüşdüm – yetərincə səmimmiyyət və mehribanlıq gördüm. Azərbaycana olan istəyi, hörməti sonsuzdur. Qonaqlarla birlikdə studiyada əsl bayram etdik. Canlı musiqilər, Eltonun coşduran mahnıları, Leyla Babayevanın hər verilişdə olduğu kimi könül oxşayan nəğmələri bu buraxılışımızı da maraqlı etdi".

Qeyd edək ki, "Körpü" şou martın 8-də Xəzər televiziyasında yayımlanacaq.

Mediainfo.az