Sinem Kobal Bakıda podiuma çıxdı
Türkiyəli aktrisa Sinem Kobal Bakıya gəlib. Aktrisa paytaxtımıza qonaq kimi dəvət edilib. Son zamanlar sevgilisi olan məşhur futbolçu Arda Turan ilə aralarında yaşanan problemlər ucbatından diqqət mərkəzində olan Sinem azərbaycanlı modelyer Kəmalə İbrahimovanın defilesində iştirak edib.
Gənc modelyer "deCamie" adlı geyim brendinin yeni kolleksiyasını təqdim edib. Təqdimat mərasimində azərbaycanlı stilist Anar Ağakişiyev, Türkiyədə fəaliyyət göstərən model Günay Musayevanın mətbuat katibi Şaba, Ülviyyə Rəhmanova və digərləri iştirak ediblər.
Məşhur aktrisanın saç və makiyajının üzərində Anar əl işini nümayiş edib. Anar və Şaba təqdimat mərasimindən olan fotoları şəxsi İnstaqram səhifələrində paylaşıblar. Anar ilə birlikdə kamera önünə keçən Sinem Kobal stilistin əl işini bəyəndiyini qeyd edib. Məşhurların təqdimat mərasimindən olan fotolarını sizə təqdim edirik.
.jpg)
.jpg)
