ÜST "Andes" Hantavirus ştamının səkkiz yoluxma halını təsdiqləyib

Ümumdünya Səhiyyə Təşkilatı (ÜST) MV Hondius gəmisi ilə əlaqəli 11 hantavirus yoluxma halını qeydə alıb, onlardan səkkizində "Andes" ştamı aşkarlanıb.

11 yoluxma halından səkkizi laboratoriya şəraitində "Andes" (Andes) hantavirus ştamı ilə yoluxma kimi təsdiqlənib. Bu ştam, digər alt növlərindən fərqli olaraq, insandan insana keçə bilir. Daha iki hal ehtimal olunan, bir hal isə yoxlanılır. Oxuməni.az xəbər verir ki, bu barədə “Deutsche Welle” məlumat verib.

Təşkilat hələ də infeksiyanın dünya əhalisi üçün yayılma riskini aşağı qiymətləndirir, lakin gəmi sərnişinləri və heyəti üçün risk mülayim olaraq qalır.

ÜST-nin məlumatına görə, Milli səhiyyə orqanları Beynəlxalq Tibbi-Sanitar Qaydalar mexanizmi vasitəsilə məlumatlandırılıb və sərnişinlərin kontaktlarının izlənməsi ilə məşğuldurlar.

May ayının əvvəlində Argentinadan Kabo-Verdeyə gedən, Hollandiya bayrağı altında üzən MV Hondius kruiz gəmisində hantavirusun yayılması baş verib. Nəticədə üç sərnişin həyatını itirib: Hollandiyadan olan bir cütlük və Almaniya vətəndaşı. İnfeksiya, həmçinin, kruizdən sonra vətənlərinə qayıdan bir Fransa vətəndaşı və bir ispan vətəndaşında da aşkar edilib.

Ümumilikdə MV Hondius gəmisində təxminən 150 nəfər olub, əsasən ABŞ, Böyük Britaniya, İspaniya və Hollandiya vətəndaşları. Mayın 10-da İspaniyanın Kanar adalarında başlayan genişmiqyaslı təxliyə əməliyyatı çərçivəsində bütün sərnişinlər gəmini tərk ediblər və xüsusi reyslərlə vətənlərinə göndəriliblər ki, orada karantinə alınsınlar və ya müalicə olunsunlar. Gəminin bir hissəsi heyətlə birlikdə Tenerif adasından ayrılaraq Hollandiyaya yola düşüb, orada dezinfeksiya olunacaq.

ÜST yoluxmuş şəxslərlə təmasda olmuş şəxslərə son təmasdan 42 gün ərzində karantində qalmağı tövsiyə edir. Digərləri üçün isə simptomlar yarandıqda mütləq həkimə müraciət etməklə özünü müşahidə etməsi nəzərdə tutulur. Ölkələr ümumilikdə bu tövsiyələrə əməl etsələr də, konkret tədbirlər fərqlənir – məcburi xəstəxanaya yerləşdirmədən nəzarət altında evdə izolyasiyaya qədər. Simptomların erkən aşkarlanması və kontaktların izlənməsi əsas məsələ olaraq qalır.

"Andes" ştammının insandan insana məhdud şəkildə ötürülmə qabiliyyətinə malik yeganə ştamm olduğuna inanılır. Adətən, bu cür ötürülmə kruiz gəmisində olduğu kimi sıx və uzunmüddətli təmas tələb edir. Simptomların görünmədiyi 6-8 həftəlik inkubasiya dövrü, MV Hondius gəmisindəki xəstəliyin dərhal özünü göstərməməsi demək idi. Bu o deməkdir ki, sərnişinlər inkubasiya dövrünü başa vurduqca yeni yoluxma halları da ortaya çıxa bilər.

Lakin mütəxəssislər vurğulayırlar ki, vəziyyət COVID-19 pandemiyası ilə müqayisə edilə bilməz: virus daha mürəkkəb şəkildə yayılır və eyni epidemiya potensialına malik deyil.

Almaz Həsənli