Pompeonun yeni dostları

Vaşinqton Nur-Sultanı Çinin regionda artan nüfuzuna ehtiyatla yanaşmağa çağırır.

Oxuməni.az-ın Euronews-a istinadən verdiyi xəbərə görə, ABŞ-ın dövlət katibi Mayk Pompeo Qazaxıstana səfəri zamanı islam dininə etiqad edən etnik qazaxların qohumları ilə görüşüb. O, Qazaxıstan rəhbərliyini müsəlmanların sıxışdırılmasına son qoymaq tələbi ilə Çinə təzyiq kampaniyasına qoşulmağa çağırıb.

Pompeo qazaxıstanlıların Amerika biznesi ilə əməkdaşlıq etməsi lazım olduğuna əminliyini ifadə etdi.

"Biz ABŞ-ın Mərkəzi Asiya üzrə yeni strategiyasını müzakirə etdik. Biz Qazaxıstanın işgüzar münasibətlərə hansı ölkələrlə daxil olmaq istədiyini seçmək azadlığını tamamilə dəstəkləyirik, amma əminəm ki, amerika şirkətləri ilə tərəfdaşlıq ən yaxşı nəticəni təmin edəcəkdir ".

Şənbə günü Pompeo Belarus Prezidenti Aleksandr Lukaşenko və xarici işlər naziri Vladimir Makey ilə Minskdə danışıqlar aparıb.

Pompeo Belarusu neftlə 100% təmin etməyə hazır olduğunu bildirib. O, Minsk Yüksək Texnologiyalar parkını da ziyarət etdi. Burada 280-ə yaxın şirkət Amerika müəssisələri üçün sifarişlər yerinə yetirir və keçən il müqavilələrin məbləği milyard dollara yaxın olmuşdur.

Bazar günü axşam ABŞ-ın dövlət katibi Özbəkistana gələrək "Mərkəzi Asiya - ABŞ" formatında Nazirlər Görüşündə iştirak edir.

Oxuməni.az