Tunisin yeni rəhbəri prezident iqamətgahlarını satır
Monsef əl Marzuki sabiq prezidentə aid iqamətgahların böyük qismini satışa çıxaracaq. MIGnews.com saytının məlumatına görə, əldə olunan vəsait ölkədə yeni iş yerlənin açılmasına yönəldiləcək. Qeyd edək ki, sabiq prezident Zeynəl Abidin Bin Əli və onun həyat yoldaşı Leyla Trabelsi hədsiz israfçılıqda ittiham olunurdular. 20 il ərzində prezident ailəsi onlarla iqamətgahın inşasına milyardlarla dollar xərcləmişdi. Məşhur Hammamet sarayı onlardan ən möhtəşəmidir.
Yeni prezidentin
fikrincə, işsizlik müasir Tunisin ən böyük problemidir. Əgər 2010-cu ildə
əhalinin 13%-i işsiz idisə, indi bu rəqəm 18,3%-ə qədər yüksəlib. Əsasən
gənclər iş tapa bilmirlər.
Xatırladaq
ki, ötən il Tunisdə başlayan etiraz aksiyaları "Yasəmən inqilabı" ilə nəticələndi.
14 yanvar günü prezident Zeynəl Abidin Bin Əli Səudiyyə Ərəbistanına qaçmalı
oldu. Ertəsi gün isə ölkənin Konstitusiya Şurası tərəfindən vəzifədən azad
edildi.
Qəribədir, ölkədə səfalət və
işsizlik hökm sürürsə, prezident sarayları kimə satılacaq, əcnəbilərə? Onsuz da
ölkə bütövlükdə Qərb dövlətinə satılıb...
Sərvər Aslanov
O.M.
