İtaliya XİN başçısı Azərbaycana gələcək

İtaliya XİN başçısı Azərbaycana gələcək

14 İyun 2016 16:43
Bəyəndim (0) Bəyənmədim (0)

İtaliya xarici işlər naziri Paulo Centiloni Azərbaycana səfər edəcək.

Apa-nın İtaliya Xarici İşlər Nazirliyinə istinadən verdiyi məlumata görə, bu barədə nazir ötən gün Romada Azərbaycan-İtaliya iqtisadi əməkdaşlıq üzrə hökumətlərarası komissiyanın 4-cü iclasında deyib.

O bu səfərin növbəti aylarda baş tutacağını bildirib.

Centiloni İtaliya-Azərbaycan münasibətlərinin son illərdə inkişaf etdiyini, qarşılıqlı çoxsaylı səfərlərin, xüsusilə də Azərbaycan prezidenti İlham Əliyevin 2014-2015-ci illərdə İtaliyaya səfərlərini önə çəkərək İtaliya tərəfinin Azərbaycana rəsmi səfərlərin sayını artırmaq istədiyini bəyan edib.

Mediainfo.az