Finlandiya Rusiya Dövlət Dumasının spikeri Sergey Narışkinə viza verməyib
Finlandiya Rusiya Dövlət Dumasının spikeri Sergey Narışkinə viza verməkdən imtina edib.
Bunu Finlandiya Xarici İşlər Nazirliyinin nümayəndəsi Vesa Hyakinen deyib.
O bunu rusiyalı siyasətçinin Aİ-nın sanksiya siyahısında olması ilə əlaqələndirib. "Yekun qərar qəbul olunanadək Aİ-nin digər ölkələri, Aİ və ATƏT rəhbərliyi ilə məsləhətləşdik", - deyə o vurğulayıb.
Diplomat onu da əlavə edib ki, Narışkinlə yanaşı daha 5 rusiyalıya Finlandiyaya giriş yasaqlanıb.
Qeyd edək ki, Narışkin iyulun 5-dən 9-dək Helsinkidə keçiriləcək ATƏT Parlament Assambleyasının sessiyasında iştirak etmək niyyətində olub. (apa)
Mediainfo.az
Digər xəbərlər