Rusiya XİN bütün münaqişə iştirakçılarını “Olimpiya sülhü” elan etməyə çağırıb

Rusiya XİN bütün münaqişə iştirakçılarını “Olimpiya sülhü” elan etməyə çağırıb

6 Fevral 2014 14:06
Bəyəndim (0) Bəyənmədim (0)

Rusiya Xarici İşlər Nazirliyi dünyada bütün münaqişə iştirakçılarını "Olimpiya sülhü" elan etməyə çağırıb. Bu barədə Rusiya XİN-in saytında yerləşdirilmiş bəyanatda deyilir.

"Olimpiya sülhü" dünyadakı münaqişələrin iştirakçılarına atəşkəs əldə etməyə, mülki əhalinin əzablarına son qoymağa və BMT nizamnaməsində yer alan prinsiplər əsasında böhranların həlli üçün siyasi prosesin başlanılmasına imkan verəcək", - deyə bəyanatda vurğulanıb.

Qeyd edək ki, "Olimpiya sülhü"nün elan edilməsi ənənəsi dərin tarixi köklərə malikdir. Qədim Yunanıstanda Olimpiya oyunları zamanı istənilən müharibə və münaqişələrə son qoyulurdu.

Apa