Yaponiya Nazirlər Kabinetinin baş katibi Kuril adaları ilə bağlı suala cavab verə bilməyib

1 Avqust 2024 16:22

Bəyəndim (0) Bəyənmədim (0)

Yaponiya Nazirlər Kabinetinin baş katibi Yoşimasa Hayaşi Kuril adalarında əcdadların məzarlarını ziyarət etmək barədə suala tərəddüd edib və dərhal cavab verə bilməyib. Siyasətçinin sözlərini RİA Novosti sitat gətirir.

Mətbuat konfransı zamanı Hayaşiyə Yaponiya parlamentinin yuxarı palatasının üzvü Muneo Suzukinin Rusiyaya səfəri ilə bağlı sual verilib və o, Kuril adalarında qohumları ilə görüşlərin bərpasına çağırıb. Baş katibdən bu məsələ ilə bağlı hökumətin mövqeyini açıqlaması istənilib. Adətən siyasətçi suallara dərhal cavab verir, lakin bu dəfə bir dəqiqəyə yaxın susdu.

“İlk növbədə, mən cənab Suzukinin hər hansı açıqlamasını şərh etməkdən çəkinəcəyəm. “Şimal ərazilərində (Kuril adalarının yaponca adı) məzarları ziyarət etməyə gəlincə, hökumət Rusiya-Yaponiya münasibətləri çərçivəsində bu məsələyə prioritet əhəmiyyət verir”, - deyə Hayaşi cavab verib.

Oxuməni.az