Polşa Belarusa təzyiq etmək üçün Çindən istifadə edib

Polşa hakimiyyəti Belarusla sərhəddə miqrasiya böhranının eskalasiyasını yavaşlatmaq üçün Belarusa təzyiq etmək üçün Çindən istifadə edib. Bu barədə Bloomberg öz mənbələrinə istinadən məlumat yayıb.

Agentliyin məlumatına görə, Polşa prezidenti Anjey Duda iyunun sonunda Pekinə səfəri zamanı miqrasiya və malların Çindən Avropaya ölkə ərazisindən daşınması məsələlərini əlaqələndirib. Xüsusilə, Malaşeviç keçid məntəqəsində sərhəd və gömrük yoxlaması prosedurunun mümkün ləngiməsi barədə danışılıb. Bu, malların tranzitini effektiv şəkildə dayandıracaq.

Polşa hakimiyyətinin bildirdiyinə görə, Belarus artıq bir neçə ildir ki, Polşa ilə sərhəddə problemlər yaradır və Asiya ölkələrindən olan qeyri-qanuni miqrantların sərhədə çatmasına şərait yaradır. Agentlik xatırladır ki, vəziyyət bu ilin may ayında polşalı sərhədçinin sərhədi keçməyə çalışan miqrant tərəfindən öldürülməsi ilə xüsusilə gərginləşib. Bundan sonra Polşa hökuməti sərhədin möhkəmləndirilməsi üçün 2,5 milyard dollar ayıracağına söz verib.

Oxuməni.az