BMT-nin baş katibi Tehrana səfəri zamanı ölkə rəhbərliyi ilə görüşəcək

BMT-nin baş katibi Tehrana səfəri zamanı ölkə rəhbərliyi ilə görüşəcək

24 Avqust 2012 12:17
546
Bəyəndim (0) Bəyənmədim (0)

BMT baş katibi Pan Gi Mun İrana səfəri zamanı bu ölkənin rəhbərliyi ilə görüşəcək. Apa-nın məlumatına görə, bu barədə Nyu-Yorkda jurnalistlərə açıqlamasında BMT baş katibinin mətbuat katibi Martin Nesirki bildirib.

Avqustun 29-31-də Tehranda səfərdə olacaq baş katib Qoyulmayanlar Hərəkatının Tehranda keçiriləcək 16-cı sammitində iştirak edəcək.
M. Nesirki bildirib ki, baş katib sammit iştirakçılarının diqqətini gündəlikdə olan məsələlərə, əsasən də silahsızlaşma, münaqişələrin qarşısının alınması, siyasi dəyişikliklər mərhələsində olan ölkələrə dəstək verilməsi məsələlərinə yönəltməyi düşünür.
"Baş katib fürsətdən istifadə edərək, regional sabitlik və İran xalqının rifahı naminə təcili həllini gözləyən məsələlərlə bağlı beynəlxalq ictimaiyyətin narahatlığını çatdıracaq. Söhbət İranın nüvə proqramı, terrorizm, insan haqları və Suriyadakı münaqişədən gedir", - deyə mətbuat katibi vurğulayıb.

O.M.