“Cənubi Qafqazda beton divarlara ehtiyac olmayacaq“ - Elçin Mirzəbəyli

"Cənubi Qafqaz respublikaları arasında inteqrasiya prosesindən söhbət gedirsə, beton divara ehtiyac qalmayacaq".

Oxuməni.az xəbər verir ki, bunu siyasi ekspert Elçin Mirzəbəyli bildirib.

O, Türkiyə-İran sərhədində çəkilən beton divarın Azərbaycan-Ermənistan sərhədində çəkilmə ehtimalını şərh edib.

“Bir vaxtlar Qərbi və Şərqi Almaniyanı da beton divar ayırırdı. Sonradan necə dağıldığını gördük", - deyə Elçin Mirzəbəyli vurğulayıb

Onun sözlərinə görə, Türkiyə-İran sərhədində beton divarın çəkilməsi fikki həqiqəti əks etdirmir: "Bu fikir Əfqanıstandan gələn qaçqınlarla əlaqədar olaraq Türkiyə müxalifətinin səsləndirdiyi fikirlərdir. Çünki onlar əfqan qaçqınların Türkiyəyə daxil olmasını istəmirlər”.

Ekspert qeyd edib:

“Azərbaycan sərhədləri elə bir relyefdə yerləşir ki, tam nəzarət etmək imkanımız var. Tam nəzarətdən sonra delmitasiya və demarkasiya prosesi baş verəcək və problem yaşanmayacaq. İndiki şəraitdə sosial problemlərlə üz-üzə qalan Ermənistan rejiminin əsas diqqəti xarici düşmən faktorunun qabardılmasına yönəlib. Bu aspektdən tez-tez sərhəd məsələlərini gündəmə gətirir. Əgər gələcəkdə regionda kommunikasiyaların tam şəkildə açılmasından və əlaqələrin genişləndirilməsindən danışırıqsa, bütövlükdə Cənubi Qafqaz respublikaları arasında gələcək inteqrasiya prosesindən söhbət gedirsə, beton divara ehtiyac qalmayacaq”.