Rusiyanın erməni biznesmenləri bu il Ermənistana kömək etməyəcəklər
Ermənistanın "Joxovurd" qəzetinin məlumatına görə, bu həftə Rusiyanın paytaxtında ümumerməni "Hayastan" fondunun ənənəvi xeyriyyə naharı veriləcək. Tədbirdə Ermənistan prezidenti Serj Sarkisyan da iştirak edəcək. Adətən bu tip tədbirlərdə Rusiyada fəaliyyət göstərən erməni biznesmenləri pul toplayaraq, imkansız Ermənistan vətəndaşlarına göndərirlər.
Qəzetin məlumatında o da bildirilir ki, erməni iş adamları bu dəfə görüşə gəlmək istəmirlər. Onlar saxta "xəstəlik" kağızları alır və ya müxtəlif bəhanələrlə ölkəni tərk edirlər ki, tədbirdə iştirak etməsinlər. Belə ki, toplanacaq vəsaitin həmişəki kimi Ermənistanın cinayətkar rəhbərliyi tərəfindən mənimsəniləcəyinə əmindirlər və bilirlər ki, pul ehtiyacı olan sadə ermənilərə çatmayacaq.
Qəzet onu da qeyd edir ki, əgər rəhbərlikdə oğurluq psixologiyası yığışdırılarsa, hər il Ermənistana əlavə 50 milyon dollar gələ bilər.
O ki qaldı ən böyük donorlardan olan Samvel Karapetyana, çox güman ki, o, dostu Serj Sarkisyana görə bu dəfə də tədbirdə iştirak edəcək.
Ermənistanda dilənçilik dövlət rəhbərliyi tərəfindən həyata keçirilir...
Sərvər Aslanov
O.M.
