Ermənistanın Sünik vilayətinin qubernatoru oğurluq etdi

Ermənistanın tanınmış iş adamlarından biri Silva Ambarsumyan sensasiya doğuracaq açıqlama verdi. Hetq.am saytının məlumatına görə, biznesmen açıq-aydın ad çəkməkdən çəkinmədi. Ambarsumyanın sözlərinə görə, Sünik vilayətinin qubernatoru Suren Xaçatryan qızıl yatağı kombinatından qiyməti 102 milyon dram olan əsas qurğunu oğurlayıb. Bununla yanaşı, müəssisəni ələ keçirmək məqsədilə hədə-qorxu gələrək Avstraliya biznesmenlərini vilayətdən və ölkədən qovub. Hal-hazırda həmin müəssisənin səhmlərinə sahib olan Silva Ambarsumyan qubernatorun təzyiqlərinə məruz qaldığını və bu səbəbdən işləyə bilmədiyini vurğulayır. O, iki ildir müxtəlif instansiyalara, hətta Baş Prokurora şikayət etsə də, heç kim bu məsələyə baş qoşmaq istəmir. Məhkəmənin biznesmenin xeyrinə çıxardığı hökm də icra olunmadan kağız üzərində qalıb. Biznesmenin fikrincə, icraçılar və polis qubernatordan qorxurlar.

Ermənistan kriminal qaydalarla idarə olunduğu üçün onun inkişafı yalnız kriminal məcrada ola bilər...

Sərvər Aslanov

O.M.