Ermənistan ordusunda atışma baş verdi – 1 əsgər öldü

17 Oktyabr 2016 10:08

Bəyəndim (0) Bəyənmədim (0)

Ermənistan ordusunda növbəti dəfə xoşagəlməz hadisə baş verib. Yerli Tert.am saytının yaydığı xəbərə görə, Baş hərbi istintaq idarəsinin 2-ci qarnizon istintaq şöbəsində əsgər Virabyan Vahan Qaqikoviçin öldürülməsi ilə bağlı cinayət işi açılıb. İlkin məlumata əsasən, 15 oktyabr tarixində yerli vaxtla 08:40 radələrində hərbi hissələrin birində adıçəkilən əsgər naryadda olarkən atışma baş verib. Nəticədə sıravi V.Virabyan ağır dərəcəli güllə yarası alıb.

Faktla bağlı Ermənistan Cinayət Məcəlləsinin 104-cü maddəsinin (qətl) 1-ci hissəsi üzrə cinayət işi açılıb. Faktla bağlı məhkəmə tibbi ekspertiza təyin olunub, araşdırma aparılır.

Mediainfo.az