Erməni məmurları ordunun silahlarını satırlar

Erməni məmurları ordunun silahlarını satırlar

20 İyun 2016 10:41
Bəyəndim (0) Bəyənmədim (0)
Qalmaqal: “Bizim orduda normal atıcılar, hazırlanmış kadrlar yoxdur”

Ermənistanın Konqo Respublikasına silah satmağı ilə başlayan qalmaqal dərinləşməkdədir. Tert.am-ın yaydığı xəbərə görə, silah satışı ilə bağlı xəbərlər ölkənin müdafiə nazirliyində rəsmi təsdiqini tapdıqdan sonra ictimai narazılıqlar səngimək bilmir. Yerli politoloq Sergey Şakaryansın fikrincə, müharibə edən bir ölkənin hərbi arsenalından istənilən azalma onun hərbi qüdrətini azaltmağa xidmət edir. "2014-cü ildə Ermənistan Konqoya 1.5 milyon ABŞ dolları həcmində silah satıb. Mən başa düşürəm ki, bəzi məmurlar köhnəlmiş silahların satıldığını israrla vurğulayırlar. Lakin bu, ictimai fikri aldatmaqdan başqa bir şey deyil. Ermənistan ordusunda bu qədər istismara yararsız silah ola bilməz ki, qaraları aldadıb 1.5 mln dollara satsınlar. Birincisi, istismarda olan silah normal vəziyyətdədirsə, köhnə sayıla bilməz. O, təcrübəli hərbçinin əlində düşmənə ölüm saça bilər", - deyə açıqlama verən politoloq yaxın hərb tarixindən misal çəkərək deyib: "99-cu ildə yuqoslavlar 67-ci ilin raketləri ilə ABŞ-ın görünməz təyyarəsini vura biliblər". Daha sonra Sergey Şakaryans Ermənistan ordusundakı acınacaqlı vəziyyəti bu sözlərlə ifadə edib: "Bizim orduda normal atıcılar, hazırlanmış kadrlar yoxdur. Biz heç silah istehsalı ilə də məşğul deyilik. Ordumuz silahları hədiyyə olaraq və ya güzəştli şərtlərlə, mənim bilmədiyim qanuni və ya yarı qanuni yollarla Rusiyadan alır. "

Mediainfo.az