Erməni mətbuatı: “Ermənistanda şagirdlərin sayı il-ildən kəskin surətdə azalır”

20 Sentyabr 2012 10:33

Bəyəndim (0) Bəyənmədim (0)

Ermənistanda məktəblilərin sayı il-ildən kəskin surətdə azalır. Ölkənin "Aykakan Jamanak (Ermənistan Respublikası)" qəzetinin məlumatına görə, bu gün dərsə gedən birinci sinif şagirdlərinin sayı 6 il əvvəl doğulan uşaqlardan 1500 nəfər azdır. Bu isə ölkədə uşaq ölümünün və emiqrasiyanın artmasından, sosial-iqtisadi vəziyyətin kəskin dərəcədə pisləşməsindən xəbər verir.

Məsələn, Qeqarkunik vilayətinin Barepart kəndində fəaliyyət göstərən yeganə məktəb cari tədris ilindən fəaliyyətini dayandırıb. Bundan başqa, adıçəkilən kənddə uzun illərdir uşaqlar doğulmur.

"Aykakan Jamanak (Ermənistan Respublikası)" qəzetinin analitiklərinin fikrincə, Barepart kəndi Ermənistandakı real vəziyyətin bariz nümunəsidir. Vətəndaşlar elementar yaşayış normalarına malik olmaq üçün ölkəni surətlə tərk edirlər, qalanlar isə ailədə uşaq artımından ehtiyat edirlər. Bu cür davam etsə, ölkədə kütləvi savadsızlaşma prosesi başlayacaq.

O.M.