Belarus və Norveç viza rejimini sadələşdirməyə hazırlaşır

29 Yanvar 2020 14:51

Bəyəndim (0) Bəyənmədim (0)

Belarus və Norveç tezliklə ölkələr arasında viza rejimini sadələşdirmək, həmçinin nüvə təhlükəsizliyi sahəsində əməkdaşlıq qurmaq niyyətindədirlər.

Oxuməni.az TASS-a istinadən xəbər verir ki, bu barədə çərşənbə günü iki ölkənin xarici siyasət idarələrinin Osloda məsləhətləşmələrinin növbəti mərhələsinin yekunlarına dair Belarus XİN-in mətbuat xidmətindən bildirilib.

"Belarus və Avropa İttifaqı arasında viza verilməsinin sadələşdirilməsi və readmissiya haqqında sazişlərin bu yaxınlarda imzalanmasını nəzərə alaraq, Belarus və Norveç arasında analoji sənədlərin maksimal qısa müddətdə hazırlanmasına dair razılıq əldə olunub", - deyə məlumatda bildirilir. Bundan başqa,"Tərəflər Nüvə Təhlükəsizliyi üzrə milli orqanlar arasında əməkdaşlıq haqqında Saziş layihəsinin razılaşdırılması üzrə iki ölkənin müvafiq qurumlarının məqsədyönlü səylərini alqışlayıblar".

Oxuməni.az