Fransada təqaüd islahatlarına etiraz olaraq tətil və nümayişlər davam edir

16 Dekabr 2019 17:09

Bəyəndim (1) Bəyənmədim (0)

Fransada təqaüd islahatlarına etiraz olaraq tətil və nümayişlər davam edir.

Oxumeni.az xəbər verir ki, dekabrın 16-da - tətilin 12-ci günündə nəqliyyat sistemində sürücülərin 70 faizi işə çıxmayıb.

Milad bayramı ərəfəsində nəqliyyat sistemində tətilin dayandırılacağı ilə bağlı fikirlər səsləndirilsə də, həmkarlar ittifaqları bunun qeyri-mümkün olduğunu bildirib. Qeyd edilib ki, yeni təqaüd layihəsi geri götürülmədiyi təqdirdə, tətil davam edəcək.

Bu gün səhər saatlarında İl-de-Frans regionunda tıxacın uzunluğu 600 kilometri keçib.

Turizm sahəsində də problemlər yaranıb. Turistlərin əksəriyyəti rezervasiyalarını ləğv ediblər. Mehmanxanalar bununla bağlı narahatlıqlarını bildiriblər.

Xatırladaq ki, 2018-ci ildə Milad bayramı ərəfəsində yalnız dəmir yollarından 8 milyon sərnişin istifadə edib.

Oxumeni.az