Quşları səsindən tanıyan insan - FOTO
Mediainfo.az saytı "Oxu Məni" qəzetinə istinadən xəbər verir ki, uruqvaylı Pablo Kulasso adlı şəxs olduqca maraqlı bacarığı ilə hər kəsi təəccübləndirir. Görmə qabiliyyəti olmayan şəxs 3 mindən çox quşun səsini ayırd edə bilir.
Hazırda Braziliyada yaşayan 29 yaşlı şəxsin sözlərinə görə, o, 720 növə aid 3 mindən çox quşun səsini ayırd etməkdə heç bir çətinlik çəkmir. Məlumata görə, belə bacarığa hər 10 mində bir insanda rast gəlmək olar. Uşaq yaşlarından meşəlik ərazidə, çayın sahilində yaşayan Pablo, bu bacarığı ilə qısa müddət ərzində məşhurlaşıb. O hətta bir neçə dəfə qatıldığı səs yarışlarının qalibi də olub.
Nadir bacarığını uşaq yaşlarında kəşf edən Pabloya bu işdə bir mütəxəssis də dəstək olub. O, Pabloya səsyazma cihazı hədiyyə edib. Pablo quşların səsini bu cihaza yazaraq, onları ayırd etməkdə təcrübə qazanıb.
Günel
.jpg)
