ABŞ kəşfiyyatı beynəlxalq pul köçürmələrini də izləyir?

15 Noyabr 2013 14:17

Bəyəndim (0) Bəyənmədim (0)

Amerika mətbuatının iddiaları Mərkəzi Kəşfiyyat İdarəsi tərəfindən təkzib olunub

Amerika Birləşmiş Ştatlarında dinləmə qalmaqalı səngiməmiş, indi də beynəlxalq pul köçürmələrinin izlənildiyi barədə iddia ortaya atılıb. "Reuters" agentliyinin "New York Times" və "Wall Street Journal" nəşrlərinə istinadən verdiyi xəbərə görə, ABŞ Mərkəzi Kəşfiyyat İdarəsi (CIA) beynəlxalq pul köçürmələrindəki məlumatları toplayır. İdarənin bunu Milli Təhlükəsizlik Agentliyinə amerikalıların telefon və internetlə danışıqlarını izləməyə imkan verən "Patriot Aktı" adlanan qanuna əsasən etdiyi bildirilir.

Beynəlxalq pul köçürmələri əməliyyatlarının izlənməsi iddialarında "Western Union" kimi iri şirkətlərin adı çəkilir.
Bununla belə, Amerika mətbuatı həmin məlumatlarda ABŞ daxilində əməliyyatların və bankdan-banka köçürmə əməliyyatlarının yer almadığını yazır. ABŞ Mərkəzi Kəşfiyyat İdarəsi isə bu iddiaları təkzib edib.