Sinqapurda Betmen Supermen oğlunu həbs etdilər

12 Noyabr 2013 13:15

Bəyəndim (0) Bəyənmədim (0)

Sinqapurda narkotik ticarəti və oğurluq əməlinə görə Betmen bin Superman (Betmen Supermen oğlu) adlı adamı həbsə atıblar, Əl Ərəbiyə xəbər verir.Məhkəmə 23 yaşlı Betmen bin Supermanı 2 il 9 aylıq həbs cəzasına məhkum edib.O, narkotik ticarətindən başqa qardaşından kredit kartı və yerli firmalardan birinin ofisini oğurlamaqda günahkar bilinib.Əl-Ərəbiyənin məlumatına görə, malay dilindən tərcümədə gənc oğlanın adı "Betmen Supermanın oğlu" mənasını verir. O, qeyri-adi adına görə Sinqapurda çox populyardır və hətta Facebook-da şəxsi fan-klubu var.Qeyd edək ki, "Betmen" Amerikanın "DC Comics" nəşriyyatının dərc etdiyi komikslərin müsbət qəhrəmanlarından biridir və əslində Betmen bin Supermen kimi cinayətkarlarla mübarizə aparır. Digər qəhrəman – Supermen isə (həmin nəşriyyatın dərc etdiyi komikslərin qəhrəmanı) yad planetdən gəlmədir və bütün bəşəriyyətin müdafiəçisi kimi çıxış edir.