30 min il əvvəl donaraq ölən dələ tapıldı

Kanadanın şimalında Buz Dövrünə aid daha bir qalıq tapılıb. Alimlər 30 min il əvvəl donaraq ölən dələnin son dərəcə yaxşı qorunan qalıqlarını aşkar ediblər.Alimlərin araşdırmaları nəticəsində dələnin sümüklərinin olduqca möhkəm formada olması aşkar olunub.

2.4 milyon il əvvəl başlayan və 11.500 il əvvələ qədər davam edən Buz dövrü, on minlərlə il əvvəl yaşamış canlıların donaraq ölməsinə səbəb oldu. Bu canlıların qalıqlarının bəziləri yüksək səviyyədə qorunub saxlanılaraq günümüzə qədər gəlib çatmışdır.

Bu yaxınlarda bu xarabalıqlara təəccüblü bir yeni tapıntı da qoşuldu. Kanadadakı Yukon Berinqia Tərcümə Mərkəzi 30.000 il əvvəl donmuş dələ qalıqlarını paylaşıb. Dələ qalıqları yaxşı qorunmuşdu, qulaqları və ayaqları aydın görünürdü.

On minlərlə il əvvəl ətrafda qaçan bu dələnin skeleti də çox yaxşı qorunub saxlanılmışdır.

Dələnin büzülmüş vəziyyətdə olması onun yatarkən öldüyünə işarə edir. Ehtimal edilir ki, o, qış yuxusunda yatarkən donaraq ölüb.

Xatırladaq ki, Kanadanın Yukon bölgəsi on minlərlə illik qalıqlara ev sahibliyi edir. 2020-ci ildə bu bölgədə 57 min illik canavar qalıqları da aşkar edilmişdi.

Murad Şahməmmədov