İnsanlar 8 ildən sonra ölümsüz olacaqlar

Keçmiş Google mühəndisi, futurist Rey Kurzweil insanların səkkiz il ərzində “ölümsüzlüyə” çatacağını proqnozlaşdırıb. Kurzweil bildirib ki, nanotexnologiya və robototexnika sahəsindəki irəliləyişlər qocalmanı geri qaytaran "nanobotlar"a gətirib çıxaracaq. Kurzweil, bu minit robotlarının bədən yaşlandıqca xarab olan zədələnmiş hüceyrə və toxumaları bərpa edəcəyini ifadə edərək, insanların xərçəng kimi xəstəliklərə qarşı immunitet qazandıracağını irəli sürüb.

Xatırladaq ki, gələcəklə bağlı dəqiq proqnozları ilə gündəmə gələn ABŞ mühəndisi Ray Kurzweil 2012-ci ildə Google tərəfindən “maşın öyrənməsi və dil emalını əhatə edən yeni layihələr üzərində işləmək” üçün işə götürülmüşdü, lakin o, texnoloji inkişaflarla bağlı proqnozları hələ çox əvvəllər verirdi.

Kurzweil 1990-cı ildə dünyanın ən yaxşı şahmatçısının 2000-ci ildə kompüterə məğlub olacağını proqnozlaşdırmışdı və bu, 1997-ci ildə Deep Blue-nun Qari Kasparovu məğlub etməsi ilə gerçəkləşdi.

Kurzweil 1999-cu ildə demişdi ki, 2023-cü ilə qədər min dollarlıq noutbuk insan beyninin hesablama gücünə və yaddaş tutumuna malik olacaq və bu proqnoz artıq özünü doğruldur.

İndi Google-un keçmiş mühəndisi texnologiyanın o qədər güclü olacağına inanır ki, o, "təklik" adlanan bu vəziyyətin insanların əbədi yaşamağa kömək edəcəyini irəli sürüb. “Təklik” süni intellektin insan intellektini üstələdiyi nəzəri məqamı təsvir edən anlayış kimi ifadə edilir.

Özünü futurist kimi xarakterizə edən yazar Kurzweil, texnoloji təkliyin 2045-ci ilə qədər baş verəcəyini və süni intellektin 2029-cu ilə qədər etibarlı Turing testindən keçəcəyini proqnozlaşdırdığını söyləyib. Turing testi, maşının insan davranışına ekvivalent və ya ondan fərqlənməyən davranışlar nümayiş etdirmək qabiliyyətini ölçən bir testdir.

Maşınların artıq insanları daha ağıllı etdiyini və onları insan beyninə bağlamanın insanların daha ağıllı düşünməsinə kömək edəcəyini qeyd edən Kurweil, “Bəzilərinin qorxusunun əksinə olaraq, beynimizə kompüter yerləşdirmək bizi təkmilləşdirəcək. Daha çox neokorteksimiz olacaq, daha əyləncəli olacağıq, musiqidə daha yaxşı olacağıq. Biz daha cəlbedici olacağıq. Biz insanlarda dəyər verdiyimiz hər şeyi daha geniş miqyasda yaşayacağıq” deyə bildirib.

Kurzweil həmçinin bildirib ki, nanomachinlər insan orqanizminə implantasiya olunaraq onları “ölümsüzlüyə” çatdıra bilər.

“Nəhayət, bu, hər şeyə təsir edəcək” deyə Kurzweil əlavə edib. Biz bütün insanların fiziki ehtiyaclarını ödəyə biləcəyik. Bu proses əsrlər əvvəl insan həyatını əhəmiyyətli dərəcədə yaxşılaşdıra bilən eynək və qulaq trubaları kimi sadə cihazlarla başlamışdı. Sonra kardiostimulyator və dializ aparatları kimi həyat qurtaran cihazlar gəldi.

21-ci əsrin ikinci onilliyinə qədər orqanlarımız laboratoriyalarda yetişdirildi. Növbəti səkkiz ildə biz qocalmanı geri qaytaran nanobotlar görəcəyik. Nanobotlar bədən yaşlandıqca xarab olan zədələnmiş hüceyrə və toxumaları bərpa edəcək. Bu yolla insanlar xərçəng kimi ölümcül xəstəliklərdən qorunmuş olacaqlar” deyə sözlərinə əlavə edib.

Murad Şahməmmədov