ABŞ alimləri insanların 70%-nin ölümdən sonra nə yaşadıqlarını kəşf ediblər

Virciniya Universitetinin alimləri bir eksperiment keçiriblər. Bu eksperiment vasitəsilə bir neçə dəqiqəlik ölümdən sonra insanların nə ilə qarşılaşdıqları, həmin anda nə gördükləri və “ölümə yaxın təcrübə”dən sonra həyatlarında hansı dəyişikliklərin baş verdiyi müəyyən edilib. Bu barədə Oxuməni.az “New York Post”-a istinadən xəbər verir.

Tədqiqatçılar oxşar təcrübəni yaşayan 167 nəfərlə müsahibə aparıblar. Onlar müəyyən ediblər ki, təcrübədə iştirak edənlərin 70%-i ağ işıq görüb, sakitlik hiss edib və həyata qayıtdıqdan sonra dini və mənəvi inanclarını kəskin şəkildə dəyişib.

Təxminən 15% – dünyasını dəyişmiş qohumları ilə qarşılaşdıqlarını təsvir edirdilər, həmçinin bədənlərindən ayrıldıqlarını hiss etdiklərini qeyd edirdilər.

Bir iştirakçı paylaşıb: "Ölümə yaxın təcrübəm əhəmiyyətli idi. Bilirəm ki, bir daha heç vaxt eyni insan olmayacağam, ona görə də daimi düşüncə və daxili iş gündəlik lazımdır".

Üstəlik, ekspertlərin fikrincə, 20%-dən çoxu boşanma və başqa yerə köçmə kimi maliyyə həyatlarında ciddi dəyişikliklər edib.

Həmçinin, iştirakçıların əksəriyyəti, 78%-i ölümə yaxın təcrübədən sonra psixoloji dəstəyə çox ehtiyac duyduqlarını, lakin onu tapa bilmədiklərini, çünki əksər dini liderlər və psixoterapevtlər “Biz bunu etmirik” deyə cavab veriblər.

"Bu pasientlərin və onların xüsusi ehtiyaclarının necə dəstəklənəcəyi ilə bağlı araşdırmalar hələ də məhduddur. Ümid edirik ki, bu boşluğu aradan qaldırmağa başlayacağıq və digər tədqiqatçıları, xüsusən də klinisyenləri bu sualları araşdırmağa vaxtlarını və diqqətlərini sərf etməyə ruhlandıracağıq,"- UVA Health-də Psixiatriya və Neyrodavranış Elmləri Departamentindən Marieta Pexlivanova deyib.

Almaz Həsənli