Yaponiyada depressiyanın uzunmüddətli müalicəsi üçün molekul hazırlanıb

Osaka Universitetinin alimləri PA-915 adlı molekul yaradıblar və bu molekul bir dəfə tətbiq olunmaqla səkkiz həftə ərzində depressiya əlamətlərini yatıra bilir.
Oxuməni.az-ın “Gazeta.ru”-ya istinadən verdiyi xəbərə görə, tədqiqatın nəticələri “Molecular Psychiatry” (MolPsy) jurnalında dərc olunub.
Tədqiqatçıların fikrincə, PA-915 orqanizmin stress reaksiyalarında iştirak edən PAC1 reseptorunu bloklayır. PAC1 mərkəzi və periferik sinir sistemlərinin fəaliyyətində mühüm rol oynayır, lakin bəzi hallarda psixi pozğunluqlara və miqrenlərə səbəb olur.
Tədqiqatçılar molekulu xroniki stresə məruz qalan siçanlar üzərində sınaqdan keçiriblər - sosial izolyasiya, kortikosteron administrasiyası və aqressiv fərdlərlə qarşılıqlı əlaqə. PA-915 qəbul edən heyvanlar narahatlıq və depressiyanın azaldığını və idrak funksiyasının yaxşılaşdığını göstədib.
Effekt bir dozadan sonra səkkiz həftəyə qədər davam edib və anestezik ketaminlə müqayisə edilə bilər. Bununla belə, yeni molekul ketaminə xas olan yan təsirləri - hiperaktivlik, koqnitiv pozğunluq və ya asılılıq yaratmayıb.
Alimlər qeyd ediblər ki, PA-915 tətbiq edildikdən sonra siçanlar davranış testləri, yaddaş məşqləri və obyektin tanınmasında daha yaxşı nəticə göstərib. Stresssiz heyvanlarda PA-915 davranış anomaliyalarına səbəb olmayıb ki, bu da onun seçiciliyini göstərir.
Müəlliflər vurğulayırlar ki, PAC1 reseptor blokadası depressiya və narahatlıq pozğunluqlarının müalicəsi üçün yeni yol aça bilər. Növbəti addımlara digər heyvan modellərində sınaq və klinik sınaqlara hazırlıq daxildir.
Almaz Həsənli