“Crocus Group” 2021-2022-ci illərdə Bakıda 7 yeni restoran açmağı planlaşdırır

“Crocus Group” 2021-2022-ci illərdə Bakıda 7 yeni restoran açmağı planlaşdırır.

Oxuməni.az-ın verdiyi xəbərə görə, bunu “Kommersant” nəşrinə açıqlamasında holdinqin ortaq sahibi Emin Ağalarov deyib. .Məsələ ilə bağlı virtual.az yazır ki, Emin Ağalarov adı çəkilən nəşrə müsahibəsində:

“Yalnız 2021–2022-ci illərdə Bakıda və kurort qəsəbəsi Sea Breeze Resort-da yeddi yeni restoran açmağı planlaşdırırıq. Bəzi layihələr artıq portfelimizdən tanınmış markalardır: Zafferano, Edoko, Forte Bello, Fish Box, Cafe Milano”, - deyə bildirib.

Ümumiyyətlə holdinq 2021-2022-ci illərdə 1 milyard rubl investisiya qoymağı və 11 yeni restoran açmağı, o cümlədən Azərbaycanda, Moskva bölgəsində mövcudluğunu gücləndirməyi və Sankt-Peterburqda inkişafını davam etdirməyi planlaşdırır.

“Crocus Group”un hazırda 52 restoranı fəaliyyət göstərir. Şirkətin özünün verdiyi məlumatına görə, 2020-ci ildə qrupun biznesinin restoran hissəsinin dövriyyəsi üç dəfə azalıb, iki il ərzində isə şirkət bu göstəricinin 70% artacağını gözləyir.