01 may 2012-ci ildən Azərbaycanda xarici teleseriallar yayımlanmayacaq

01 may 2012-ci ildən Azərbaycanda xarici teleseriallar yayımlanmayacaq

23 Dekabr 2011 14:41
1 002
Bəyəndim (0) Bəyənmədim (0)

Azərbaycan ərazisində xarici teleserialların yayımı 2012-ci il may ayının 1-dən dayandırılacaq. Bunu Milli Televiziya və Radio Şurasının (MTRŞ) sədri Nuşirəvan Məhərrəmli jurnalistlərlə görüşündə deyib. Bununla bağlı qərar MTRŞ-in ötən gün keçirilən iclasında qəbul edilib. Qərarın qəbul edilməsində məqsəd gənc nəslin mili şüurunun, tərbiyəsinin yüksəldilməsidir: «Bizim gənc nəsil xarici seriallar ruhunda tərbiyə olunmamalıdır. Bu gün Azərbaycanda insanlar istədikləri dildə kabel TV, çanaq antena və internet üzərindən istədiyi dildə seriallara baxa bilər. Bizim qərar milli teleyayımçılara aiddir». MTRŞ sədri milli serialların çəkilməsi üçün artıq telekanallara qrantlar verildiyini və kanalların bu istiqamətdə işlərə başladığını da deyib.

O.M.