ARDNŞ Türkiyədəki zavoda 5.5 mlrd sərmayə qoydu

18 Oktyabr 2011 15:32

Bəyəndim (0) Bəyənmədim (0)

Oktyabrın 25-də neft emalı zavodunun təməli qoyulacaq

Oktyabrın 25-də Türkiyənin Əliağa bölgəsində Azərbaycan Dövlət Neft Şirkətinin (ARDNŞ) investisiyası ilə tikilən neft emalı zavodunun təməlqoyma mərasimi keçiriləcək. Bu barədə jurnalistlərə açıqlamasında ARDNŞ prezidenti Rövnəq Abdullayev bildirib.

Onun sözlərinə görə, bu, Türkiyədə ən böyük zavodlardan biri olacaq və layihəyə 5,5 milyard dollar investisiya qoyulacaq. Ən müasir standartlara cavab verəcək neft emalı zavodu Azərbaycanın Türkiyənin enerji bazarında rolunu möhkəmləndirəcək.
"Dörd ildən sonra ilk qurğuları işə salıb zavodu istismara verəcəyik. Bu, Azərbaycanın enerji sahəsində ən böyük investisiya layihəsi olacaq" - deyə R.Abdullayev qeyd edib. ARDNŞ prezidenti zavodun təməlqoyma mərasimi çərçivəsində Türkiyə və Azərbaycan arasında qaz razılaşmasının imzalanacağını istisna etməyib.

O.M.