Bu gün 8 rayonda qaz təchizatı məhdudlaşdırılacaq

Bu gün 8 rayonda qaz təchizatı məhdudlaşdırılacaq

2 Mart 2016 10:17
332
Bəyəndim (0) Bəyənmədim (0)

Bakı şəhəri Sabunçu, Binəqədi, Xəzər, Səbail, Yasamal, Abşeron, həmçinin Qəbələ və Masallı rayonlarının təbii qaz təchizatında məhdudiyyətlər olacaq.

Diametri 530 mm-lik yeraltı qaz xəttində aşkar olunmuş sızmanın ləğvi, qaz xətti üzərində qaz tənzimləyicinin quraşdırılması, yeni çəkilmiş polietilen PE315 mm-lik qaz xəttinin mövcud xəttə qoşulması, istismarı dayandırılmış xətlərin şəbəkədən ayrılması və istehlakçıların qaz təchizatının yaxşılaşdırılması məqsədilə martın 2-də saat 10:00-dan işlər yekunlaşanadək Sabunçu rayonunun Sabunçu, Bakıxanov qəsəbələrində və Anaşkin adlanan ərazidə, Binəqədi rayonunun Binəqədi və Biləcəri qəsəbələrində, Xəzər rayonunun Quşçuluq massivi, Buzovna, Mərdəkan və Şüvəlan qəsəbələrində, Səbail rayonunun İstiqlaliyyət, Ş. Şamil, M.Hüseyn, T. Elçin, Lermontov küçələrində və Badamdar qəsəbəsində,Yasamal rayonunun B.Səfəroğlu və ətraf ərazilərdə, Abşeron rayonunun Ceyranbatan və Saray qəsəbələrində eləcə də Qəbələ və Masallı rayonlarının bir hissəsində təbii qazın verilişində fasilələr yaranacaq.

Mediainfo.az